ਦਿਸਦੇ ਜੋ ਮੇਰੇ ਆਸ ਪਾਸ

[Ranjha Jogi...]

ਦਿਸਦੇ ਜੋ ਮੇਰੇ ਆਸ ਪਾਸ
ਇਹ ਮੇਰੇ ਹੀ ਤਾਂ ਕਰਮ ਨੇ

ਸੱਚ ਨਾ ਕੁਝ ਜਾਪਦਾ
ਸਬ ਛੋਟੇ ਵੱਡੇ ਭਰਮ ਨੇ

ਬਣ ਸ਼ਮਸ਼ਾਨ ਦੀ ਧੂਣੀ ਮੈਂ
ਨਿਤ ਨਿਤ ਬਲਦਾ ਜਜ਼ਬਾਤਾਂ ਚ
ਕਦੇ ਸੱਧਰਾਂ ਚ ਕਦੇ ਬੇਕਦਰਾਂ ਚ
ਕਦੇ ਵਿਛੋੜੇ ਕਦੇ ਮੁਲਾਕਾਤਾਂ ਚ

ਲਿਖਦੇ ਨੂੰ ਟੋਕੇ ਵਾਰ ਵਾਰ
ਛਿੜ ਜਾਵੇ ਬਾਂ ਵੀਨਾ ਦੀ ਤਾਰ
ਨਹੀਂ ਪਤਾਲ ਦਾ ਵਾਸੀ ਤੂੰ ਵਿਚ ਅਕਾਸ਼ੋਂ ਆਇਆ ਏ
ਨਿਰਾਸ਼ ਨਾ ਹੋਇਆ ਕਰ ਤਿਓ ਉਸ ਕਰਤਾਰ ਦਾ ਜਾਇਆ ਏ

ਰੇਸ਼ਮ ਦੀ ਗੁੱਡੀ ਵਾਂਗ ਸਿਰਜਿਆ
ਤੈਨੂੰ ਦੁਨਿਆ ਦੇ ਮਾਲਕ ਨੇ
ਬੇਗਮਪੁਰਾ ਸਬ ਆਪ ਸਜਾਇਆ
ਇਸ ਖਲਕਤ ਦੇ ਖਾਲਕ ਨੇ

ਕਰ ਸ਼ੁਕਰਾਨਾ ਮੁਰਸ਼ਦ ਦਾ
ਨਿਤ ਨਿਤ ਬਾਣੀ ਤੂੰ ਗਾਇਆ ਕਰ
ਮੂੰਦ ਨੈਣ ਦੁਨਿਆਵੀ ਬੰਦਿਆ
ਇਸ਼ਕ ਦੇ ਗੋਤੇ ਲਾਇਆ ਕਰ

ਮੁਰਸ਼ਦ ਦੀ ਝੋਲੀ ਵਿਚ ਬੈਠ
ਜਿਓ ਬਣ ਜਾਵੇ ਮਾਹੌਲ

ਦੀਦਨੇ ਦੀਦਾਰ ਸਾਹਿਬ
ਕੱਛ ਨਹੀਂ ਇਸਕਾ ਮੋਲ